Saturday, November 25, 2006

Combattler V ....... البــطــل خــمــاســي

كلنا يمكن أيام حقبة الثمانينات لحقنا و عرفنا خماسي
Combattler V أو الـــ
خوش اسم عنده امخربينه بالدبلجة و الترجمة العربية
على العموم كان يتضمن شغلات و سوالف توها و ليلحين ما وصلنا لبعضها
من تكنولوجيا و ووسائل اتصالات و المجال الكهرمغناطيسي
علاوة على ذلك الأسلحة اللي اليابانيين الظاهر يطلعون حرتهم في منعهم من القيام بصنع الأسلحة من قبل **** , فيطلعون و يجربون أسلحتهم بالرسوم الكرتونية
صعبين المراس هاليابانيين
لو انيي حق المسلسل و هذي الإفتتاحية

يعني احنا يوم كنا صغار نندمج و نتأثر و نستانس لي انتصر المقاتل الآلي تبعنا و حده حماس يعني لي أخذ المبادرة و طلع مواهبة بس ما اعتقد نوصل حق مواصيل هاليابانيين
حتى ابهذي اغلبونا فيها - للتوضيح

عشت الدور معاهم و عمل كرتوني ضخم يستحق الإشادة و لو ان شخصيات المقاتل الآلي متعددة و مختلفة مثل غراندايزر ومازنجر وجونقر... وغيرهم كثير
لكن من المميزين كشكل و مضمون و حتى بعيد عن الخيال بالنسبة لمشاكل الناس والقضايا المطروحة بإتفاق الأغلبية هو
Combattler V

4 comments:

الاء سعود المجيبل said...

ههههههههههه اذكره قبل اينن

خمااااسي خماااااسي ههههههههههه

صج اليابانيين باباياتهم عجيييبه وخصوصا القديمه اليديد مو شيء ما عجبني!!


يعطيك العافيه...:)

Hassan Q Al Qallaf said...

Hi

لا والله العيب مو منهم

العيب في ربعنا ... قبل الكويت و فنانينها ... أذكر بالرجل الحديدي الدبلجة بأصوات
علي المفيدي , داوود حسين و جاسم النبهان و غيرهم
و عدنان ولينا
عدنان بصوت النبهان و عبسي بصوت عبدالرحمن العقل

قبل كان في اهتمام على عكس ألحين و اهتمامهم بالمسارح لما تدره من ايرادات أفضل على ما يبدو!!! ألحين تقتصر الدبلجة على بعض المعامل في الأردن و لبنان و اختيارهم حدة ضعيف للرسوم الكرتونية ... وأما ما يأتي من الولايات المتحدة و ديزني فيتكفل فيها المصريين و بدبلجة مصرية و ليست عربية .. كأن همهم ولاد بلدهم و نسوا بقية البلدان

أما بالنسبة لليابانيين ... ان قلت اصبحت عندهم جامعاتهم الخاصة بالرسوم الكرتونية .. أمر قليل بالنسبة لهم

فالتكنولوجيا من صوب .. و الرسوم متقنة الى درجة متقدمة

لكن وين اللي ينبش و يدور

احنا ربعنا .. دول الخليج و الإنتاج البرامجي المشترك لما شدوا حيلهم سوولنا زعتور
يمشي زعتور و هو مسرور

هذا اللي قدرنا عليه

salam

الاء سعود المجيبل said...

بس ام خماس عجيب وكلا عمل اماراتي وشي نفتخر فيه الصراحه...يعني في تقدم شوي...:)

Hassan Q Al Qallaf said...

ما شفت أم خماس :))

وكيلنا بو خماس قبل أيام الثانوية

كلا يمشي و يلشطنا اب هووز .. لازم يشيل هووز وياه .. لوول

عزكم الله تيوس مو طلاب عنده

الله يذكره بالخير كان امشي المدرسه صح و بس طلع زاداو هاللي يتشبهون بالبنات

بيه .. الله يسامحج ذكرتيني في بو خماس

تحياتي