Saturday, August 30, 2008

اللي يبي طلبات الإكتتاب بالإتصالات الثالثة .. هني

ملاحظات شوية عندي على هالموضوع اللي جنة أول مرة يصير في اكتتاب عندنا
الناس مستعيلة و نبي طلبات و يوصون ربعهم اللي بالبنوك و حالة الطوارئ معلنة
اشدعوة يبا
تراشق الإتهامات بين البنوك و الشركة الكويتية للمقاصة بسبب قلة الطلبات المتوفرة لجمهور المكتتبين
البورصة تقول العيب في توزيع البنوك للطلبات على فروعهم و البنوك تنكر و تقول البورصة ما يابت الكمية اللي تلبي الطلب!!! شوفت عيني الدفتر يحتوي على خمس طلبات فقط .. ليش يا ادارة البورصة
نموذج طلب الإكتتاب
في اخبار عن ورود اخطاء في الطلبات و انه سيتم سحبها من البنوك ..خخخ مداهم شكلها اشاعة
حسب علمي الإكتتاب في 50% من أسهم الشركة
يعني اذا زاد الطلب و كثر عدد المكتتبين ..من المتوقع ان يتم التخصيص لغاية 300 الى 500 سهم
يعني اللي دفع 100 يردون له 70 ... جنها ما تسوى
ناهيك عن الناس اللي تعمل مع الهوامير في شراء الأسهم لصالحهم .. وذلك بعد الإجراءات الصارمة في الإكتتاب الحالي
لكن تم تجنيد البعض لهذه المهمة و ياخذونك لي البنك و يحطون ايداع في حسابك بس عليك توقع على الخصم و لك العمولة .. انتخابات مو اكتتاب
في ملاحظة مهمة .. نوع من النفاق الإجتماعي ملاحظ في هذه الفترة .. الناس ماعندها فلوس و تبي زيادة الخمسين دينار و صندوق المعسرين المتعثرين ... و محد يدفع اقساطه .. من وين اطلعت كل هالتدفقات و السيولة النقدية اللي كل من هب و دب يبي يكتتب باسمه واسم غيره بالنسبة لصغار المستثمرين طبعا!!! غريبة
ربنا يسهل و انشاءالله الجميع اتسهل امورهم و يكتتبون
Post a Comment